SERGEKLIK DÁWIR TALABÍ
Sońǵı jıllarda Qaraqalpaqstan Respublikasında AIV keselliginiń jınısıy jol menen juǵıwı artıp barmaqta. Atap aytqanda, 2025-jılı AIV infekciyası menen dizimge alınǵanlardıń 87,6 payızı kesellikti jınısıy jol menen juqtırǵan, 2024-jılı bul kórsetkish – 85,5 payızdı quraǵan. Soday-aq, AIV infekciyası juǵıw qáwpi joqarı bolǵan toparlar, ásirese miynet migrantları arasında da bul keselliktiń jınısıy jol menen juǵıwı artıp barmaqta. 2025-jılı 55758 migrantlar dizimge alınıp, sonnan 58,1 payızı AIV infekciyasına tekserildi hám olar arasında 0,3 payfzında AIV anıqlandı. 2025-jılı AIVǵa shalınǵan miynet migrantlarınıń 100 payızı bul kesellikti jınısıy jol menen juqtırǵanlıǵı anıqlandı. QR AIJSke qarsı gúresiw orayınıń medicina xızmetkerleri tárepinen AIV infekciyasınıń tarqalıwınıń aldın alıw maqsetinde xalıqtıń túrli qatlamları, ásirese AIV/AIJS juǵıw qáwpi joqarı bolǵan toparlar arasındı 2025-jıl dawamında 2471 lekciyalar, 36 seminarlar, 113 soraw-juwap kesheleri hámde 8207 sáwbetlesiwler ótkerildi, ǵalaba xabar qurallarında 42 maqalalar baspadan shıǵarıldı, 47 telekórsetiwler, 430 radioesittiriwler shólkemlestirildi. Ótkerilgen ilaj qatnasıwshılarına 38815 dana bukletler, 2000 dana esletpeler tarqatıldı, ob’ektlerge 431 dana plakatlar hám12 dana banerler ildirip qoyıldı. Bunnan tısqarı AIV infekciyası haqqında xalıqtıń xabardarlıqların jánede asırıw maqsetinde, Ózbekistan Respublikası AIJSke qarsı gúresiw orayınıń tapsırması menen hár aydıń birinshi sánesi “AIJSke qarsı gúresiw kúni” sıpatında belgilenip barılmaqta, xámde ótkerilgen ilajlarda 2025 jılı xalıqtıń kóp jıynalǵan orınlarında; iri sawda komplekslerinde, diyxan bazarlarında, temir jol vokzalında, avtovokzallarda, máxállelerde, meshitleride, joqarı oqıw orınlarında, tálim mákemelerinde hámde basqa da ob’ektlerde profilaktik ilajlar ótkerilip barıldı. Ótkerilgen ilajlar dawamında 448 lekciyalar, 37 soraw-juwap kesheleri, 5 diskussiya, 1 seminar hám 2552 sáwbetlesiwler ótkerildi. Ótkerilgen ilajlar qatnasıwshılarına 9260 dana bukletler, 100 dana esletpeler hámde 162 dana plakatlar tarqatıldı. Diyxan bazarları, sawda komplekslerinde, Nókis Mega, Korzinka sawda kompleksleri, Nókis temir jol vokzalı, avtovokzallardıń máxálliy radiouzellari arqalı 93 márte radiodan shıǵıwlar shólkemlestirildi.
Niyazova Guljamila Tolıbaeva QR AIJSke qarsı gúresiw orayınıń joqarı kategoriyalı shıpakeri
